شعر
زما سندره
Rahmat Shah Sailد وطن د زړه زخمونه مې راټول کړل
د ګلونو پرهرونه مې راټول کړل
د سرو اوښکو تندرونه مې راټول کړل
د پرهر شونډو پاړونه مې راټول کړل
د زخمي زړونو دردونه مې راټول کړل
د دردونو اوازونه مې راټول کړل
بوګنېدونکي سوي زړونه مې راټول کړل
د زړګو د سر داغونه مې راټول کړل
د رنځورو تصویرونه مې راټول کړل
ما ترې جوړې د سپرلي د خیال نغمې کړې
د زړګو په پوله پوله مې خپرې کړې