جاوېد احساس

جاوېد احساس

نوم جاوېد احساس تعلق ئې ضلع بنُوں سرہ دے ۔ تعلیمی قابلیت د دینی پوھې سرہ

سرہ پہ فارسۍ او پہ عربۍ باندې ھم دسترس لری ۔ اېم فل ھم کړے دے ۔ درس و

تدریس سرہ وابسطہ دے د اردو لیکچرر دے ۔ د شعر ابتدا ئې پہ ۷ جماعت کښې پہ

اردو ژبہ کښې کړې دہ د ۱۱ جماعت نہ ئې پہ پښؔتو کښې شاعری ھم شروع کړہ ۔

مختلف ادبی تنظیمونو غړے دے لکہ ستوری ادبی ټولنہ ، منډان ادبی ټولنہ او

تنقیدی ادبی ټولنہ جاوېد پہ بنیادی توګہ دغزل شاعر دے ۔ پہ غزل باندې د غم

درد سوز یوہ فضا خورہ وی ۔ د اردو ژبې استاد دے پہ غزل کښې د اردو ژبې

استعمال بلا ضرورت ډېر زیات کوی ۔ کلہ کلہ غزل د پښتو کم د اردو زیات محسوس

کېږی ۔ د کېفیت شاعر دے کہ قاری یا اورېدونکے دغہ حالاتو سرہ مخ شوے وی ډېر

وخت کہ ډېر رانہ تروړل کېفیتونہ

غم دې راوړل د غزل کېفیتونہ

لکہ خوړیند دېوال زړګے ئې راتہ ړنګ کہ

څاڅکی څاڅکی وارېدل کېفیتونہ

خلقو یو بل تہ کارړډونہ لېږل عید کښې

مونږہ یو بل تہ لېږل کېفیتونہ

مونږ د ژوند نہ تجرېبې کشید کولې

مونږ لہ زړۂ را نچوړول کېفیتونہ

مودہ پس چې ھغہ یار مخې لہ راغے

لہ ما نۂ سمبالېدل کېفیتونہ

دا منظر لہ لیدو مخکښې او خو ګورہ

پہ احساس طاری کېدل کېفیتونہ

چې دګلاب غوندې مې وا شی ارمان

څہ د ھوا څۂ د فضا شی ارمان

اوس مې ھم کلہ کلہ زړۂ تہ راشې

اوس دې ھم کلہ کلہ راشی ارمان

لہ خپل وجود څنګہ منکر شی سړے

څنګ د مینې نہ پہ شاہ شی ارمان

خو د احساس انتخاب نۂ بدلېږی

کہ ئې رسا کہ نارسا شی ارمان