خادم یوسفزے

خادم یوسفزے

نوم خادم النبی قلمی نوم خادم یوسفزے دپلار نوم مشھور د نعت شاعر شاہجھان

استاد، د مردان سیمې سرہ تعلق دے ۔ تاریخ پېدائش ۱۹۶۱ء لیک لوست ئې دخپل

غزل ، نظم او قطعہ لیکی ۔ د شاعرۍ شوق ئی پہ کم عمرۍ کښی پېدا شو ۔ شاہجھان

استاد یو اولسی شاعر وۂ د ھغہ اثرات ئې پہ شاعرۍ باندې ښکارہ دې ۔ د شاعرۍ

موضوعات ئې وطن پرستی ، قام پرستی ، مینہ او عوامی مسائل دی ۔ پہ غزل کښې

محتاط نۂ دے ۔ کلہ کلہ داسې الفاظ استعمال کړی چې د غزل پہ نازک طبیعت

باندې بار وی ۔

بې شکہ تۂ یې د قدرونو سړے

دنیا دې بولی د کارونو سړے

لکہ د زرکې پہ شان ښکلې سترګې

زیرک د ښکلو کاروانونو سړے

دا دې لوے کار اوکړو چې خپلہ راغلې

مونږ خو غوښتۂ پہ زیارتونو سړے

دے چې څنګ زۂ ګڼمہ ھغسې دے

دے ډیر د نېکو خصلتونو سړے

پہ دې مې خوښ دے پہ یوہ پوھېږی

شډل پډل سم د غرونو سړے

مونږ د کور پہ کار خادمہ پوې یُو

تۂ د حجرې او جماتونو سړے

نۂ شم وړے نورې نخرې دمینې

نورې بہ اوباسم توبې د مینې

چې پہ پلو راتېرېدې د مینې

قیصې بہ خامخا کېدې د مینې

ما پہ ھغې خبرہ پرېښې نۂ دہ

چا چې بہ ھر قسمہ څۂ وې د مینې

اوزګارېدو تہ بہ ئې نۂ پرېښودے

چې پہ نظر بہ لګېدې د مینې

ھغې پہ چم کښې بلد کړے یمہ

ما خو لیدلې دې جرګې د مینې

ھغہ د کلی پہ نرخ پوھہ نۂ وہ

مدام بہ پورې وې تمبې د مینې

ستا پہ مئینو کښې بس دا پاتې وو

ستا یو خادم یو لېونے د مینې