زرجان جان مداخېل

زرجان جان مداخېل

نوم زرجان تخلص جان د پلار نوم ملکی جان قام مداخېل یوسفزی کلے مابرہ تور

غر تاریخ پېدائش ۱۹۶۷ء تعلیم مېټرک پہ کراچۍ کښې پہ یو انشورنس کمپنۍ کښې

تا حال ملازمت کوی ۔ د جرس ادبی جرګي کراچۍ فعال غړے پاتې شوے دے ۔ چې مشر

چې د مالی مشکلاتو پہ سبب بند شوہ ۔ یوہ تذکرہ “ تور غر سپین ګلونہ” چې

پکښې دتور د شاعرانو د ژوند مختصر حالات او نموني دپارہ کلامونہ وو ۔ تر دم

ادبی ملګرو لہ طرفہ ورتہ د ادبی خدماتو پہ لړ کښې ادبی انعام ورکړے شوے دے

چې تقریب ئی پہ اوګۍ کښې منعقد شوے وۂ ۔ زرجان نظم او غزل دواړہ لیکی ۔

زرجان ښہ غزل لیکی ترقی پسند شاعر دے ۔ پہ غزل کښې مینہ ، قام ، ژبہ معاشی

او معاشرتی مسائل ئې موضوعات دې ۔ -

دلتہ سیلاب رانغے دلتہ زلزلہ رانغلہ

پہ دې وظن کښې پہ مونږ کومہ حادثہ رانغلہ

دلتہ چې څوک راځی د ځان سرہ اورونہ راؤړی

دلتہ یوہ انسان پرستہ قافلہ رانغلہ

ځکہ اوس خلق لہ دې ښارہ ځی پښې اوباسی

دلتہ د امن اوسکون یوہ لمحہ رانغلہ

ھر څۂ عام شی وې اخرہ زمانہ بہ راځی

ھر څۂ عام شې خو اخرہ زمانہ رانغلہ

یو لېونی د بېلتون داسې خلاصہ بیان کړہ

ھغہ چې لاړہ نو بس لاړہ بیا ھغہ رانغلہ

یا بہ دا خلق رښتیا وائی یا مونږ نۂ پوھېږو

زمونږ خو چرتہ ھم د زلفو لاندې شپہ رانغلہ

جانہ دا خلق سترګي پټې کړی غزل اولیکی

مونږ لہ خو بې زیارہ پہ خداے یوہ مصرعہ رانغلہ

پہ کور کلی پہ صحرا راپسې ګرځی

خداے دې خېر کړی څۂ بلا راپسې ګرځی

لاس پہ لاس کښې راکوی چې مخامخ شی

ښہ پوھېږم اژدھا راپسې ګرځی

د خپل قام د عقیدت پہ تور مې وژنی

بس پېریان دی پټ پنا راپسې ګرځی

دا تراوسہ چې لہ ھرې بلا بچ یم

دا د مور و پلار دعا راپسې ګرځی

دغہ نن چې رانہ مخ اړَوی جانہ

دغہ خلق بہ صبا راپسې ګرځی