د ځیګر وینې مې وخوړې غمونو

څو د یار د مستو سترګو نه جدا یم

لاهو کړی د حیرت خونې دریاب یم

د ځیګر وینې مې وخوړې غمونو

مرګه جګې جګې راشه اوس رضا یم

د وصال خوشې لا تنده تر سبا ده

له فراقه یې خسته په سالها یم

یا دکن د غم وطن، ښادي یې نشته

یا په ما غمونو شپه کړه مبتلا یم

د دیدن طمع شکي ده په کالونو

تش دمه د زړه کوم چې نن سبا یم

یو زمان یې خالي کله یم له یاده

بل په خوب کښې په دغه سود و سودا یم

د اورنګ جور آسان چې په صورت دی

په فریاد د فرقتونو له غوغا یم

جو دانه صبر مې کله دی په زړه کې

زه روهي د یار په مخ پسې تالا یم