اووۀ گلونه (2)

ورپورې دے فردوس خان

په مخ سپين په زړۀ نازک

د پښتو په نوم او ننگ کښې

د فولاد د گټې کلک

لا وړوکے شان هلک وۀ

چې پرې وشو امتحان

د لېلی په عبادت کښې

د رقيب شو بنديوان

د دُنيا په واړو نرمو

په پستو خوږو پوهيږی

چې پښتون په تيرو سر شی

دے ئې لار کښې وغورزيږی

خپله گټه خانی پرېږدی

کند راواخلی د ملنگ

ځان په ننگ خاورې ايرې کړی

چې پښتون ته واخلی ننگ

رب دې بوځی مانېرۍ ته

چې کئی بيا د اډې سېل

د اووۀ گلو جوړ کړے

ازادۍ له چا امېل