بند

نن چې څومره بند کړې حرص او هوا بند

سبا غواړې د هغې نه سوا بند

د توبو قلا کښې مينه نه گېريږی

څنگ به بند کاندې سېلاب د هوا بند

ټول غمونه يو نظر د نياز يوړل

لکه واچوی تيارې ته رڼا بند

دې له ئې نۀ څښم چې نشه شم، لېونے شم

جام کښې گوره پروت دے نوم د اشنا بند

په دمونو تعويذونو نه جوړيږی

چې يو ځل زړه کړی د مينې بلا بند

د فولادو زنځير نۀ دے چې ئې پرې کړم

کړم جانان په ناز، مکېز په خندا بند

په جومات کښې داسې وچې شونډې ناست وم

لکه وی په بُت خانه کښې مُلا بند

د دُنيا ازادۍ واړه مې قربان کړې

چې کړم زړۀ د محبوبا په قلا بند

د دې بنده د وتو بندونه نشته

چې تر څو وی د وجود او د سا بند

لېونے واوړيد په داسې شوده گانو

په پنجره کښې شو په شان د مېنا بند