گوډاگی!

زما ويره جنت او جومات زما

زما هر سُرور مناجات زما

منارې د لرچې کښې زما پستی

دا د مرگ نه بچ کوم زۀ ژوندون هستی

اؤ د شرابو جام، د زمزم چشمه

دا دځان د نيولو يودام زما

دا جنون جانان، دا مرشد کعبه

دخپل هوش نشه کولو يوجام زما

گوډاگی ما جوړ کړی خپل ځان له دی

سرۀ لبان د يار، عبادت، سُرور

ما بندونه اچولی طوفان ته دی

د اميد گلزار اؤ قلا د نور

ما د مرگ فاتح د زوال اقا

دې شکست له يو شان مونتلے دے

ما غلام له د سرو زرو تخت او تاج

ما لوگی له مکان مونتلے دے

دے زما جنون دا خائشت اؤ يار

دا سُرور زما ددې تلو غُبار

دا جنت زما د ارمان تصوير

اؤ دوزخ زما د دردونو ښار

زما سترگو کښې رب او ايمان دے

زما درد کښې وصال او جانان دے