ښارے

ستړے مۀ شې ستړے مۀ شې خانه! خېر سره راغلې

دوړ! دو پېسے دے کُلچے لا تے دو پېسے دی چاء

سه! گرمۍ کښې چائې نۀ سکئ خان نور په ښار کښې سه دی؟

يخ شربت ناجوړ به کی نېبوان تا کښې ښۀ نۀ دی

ستا قسم دے خان! ډوډۍ زمونږ سره به نوش کوے

نا ونۀ وئی خان، مونږ د غم نه به بې هوش کوے

راشه لاره وښيم تاله زوم، زۀ انتظام کؤم

خدائې گو نن د ښار کرېلا ټول په تا تمام کؤم

گوره هغه گټ باندې دے پروت د سېټ دوکان

هغه سېټ دوکان پسې دے بل د سېټ دوکان

هغه سېټ دوکان پسې يو ړوکے شان مسيت دے

خوا کښې يو پيپل دے يو نالۍ لېږ شان پليت دے

اخوا دوه کوڅې دی يو راځی اؤ يو ورځی

هلته ناست دے گټ باندې دوکان يو د درزی

شاته زمونږ کور دے مونږ ورځو په بله لارې

اسی اوتهے بيټهے اوسان ويڼی دے کنارے

لاره کۀ غلط شی گوره دغه ښې دوکان دے

دلته ښۀ تيکه جوړيږی الله مهربان دې