لوبه

د لرې لرې خلک راغلل تمام

ديدن له ستا د لرې لرې

زما ياديږی ستا وړې وړې خبرې

دلبرې مدام دلرې لرې

خوله دې مسکۍ سترگې غمازې

په لچک لچک په هوا ځې

باغ کښې بلبلې سترگې وازې

ستا د ديدن شولې موتازې

خداې گو کۀ حورې ستا د نوک وی برابرې

جانان دلبرې! د لرې لرې

زما په خوا کښې هم نخرې کړې

چې درنه تښتم هم نعرې کړې

کله خندا کله ښېرې کړې

زما ځوان زړۀ ذرې ذرې کړې

فرښتې ماتې د شېطان کړلې وزرې

ارمان دلبرې! دلرې لرې

کله دې هو، کله دې نا وی

کله دې نن کله سبا وی

په ژړا سرې سترگې زما وی

موسکۍ رنگينې سترگې ستا وی

کله سور گل شې کله شې د اور بڅرے

جانان دلبرې! د لرې لرې