نه تنها زما دزړه غومبری سوځی

له شغلو یې دښایست بغوری سوځی

په سل لا رو درنژدی شی بیرته راشې

ستا په خوا کی می دخیال وزری سوځې

دایې تا راته غوږ ایښی څه به وایم

چه په خوله کی می دزړه خبری سوځې

له پتنګ سره طواف د شمو څه کړم

چی دناز په شمه زړه له لری سوځې

څه ښادی غواړی د عشق له غمکدی نه

په دی بین کی دهوس سندری سوځې

ګڼی هیلی می لوګی دیوی ادا شوی

دځنګله ونی چی څو وی ګوری سوځې

داتر مو مو نرم زړه څه ورته ټینګ کړم

»پسرلیه» دعشق تاو ډبری سوځې