وی به ملا جان چی  زه ورځمه کا بل جان ګټم

زه خپل جوماتونه، زیارتونه، اما مان ګټم

زه په سه دکان کی عا شقان او عارفان ګټم

زه له مدرسو نه  خواره شوی طالبان ګټم

زه له «ملحدانو» شریعت ګټم ، قرآن ګټم

زما باور به نه راته

وی به ملا جان دغه دنیا خو تیریدونکی ده

ټوله «ما فیها» په دی فانی  کی ختمیدونکی ده

دادقدرتونو ډنډوره تما میدونکی ده

ورځ دعرصات او دمحشر رارسیدونکی ده

زه په خپل جهاد کی تشه خوښه دسبحان ګټم

زما باور به نه راته

وی به ملا جان زه دلالونو تمه دار نه یم

زه یو «مجاهد« یم ، زه شوقی داقتدارنه یم

زه مامور دشرعی یم  ، دهیچا صوبه دار نه یم

زه دپرنګیانو دپلانونو ټیکه دار نه یم

زه دروس له پوځه پاکه خاوره  دافغان ګټم

زما باور به  نه راته

وی به ملا جان زه چی دادومره آذانونه کم

چرګ د ډیران نه یم ، زه مخلوق ته آوازونه کم

زه له روح الله سره په عرش کی پروازونه کم

زه له  چا څه نه غواړم په خدای باندی نازونه کم

زه له کا فرانو آزادی دمسلمان ګټم

زما باور به نه راته

راشه اوس یی ګوره ملا جان چه څه نخری کوی

خلک سره وژنی دی پی خاندی مسخری کوی

تښتی له جوماته مقتدیانو ته پلمی کوی

ټول هیواد یی چور کړ او لا ناست دی مسآ لی کوی

هره ناروا ، رواکوی خپلی چړچی کوی

راشه ملا وګوره

اوس ملا حاکم شو سر غنه دجلادانو شو

دوست دکافرانو شو، دښمن دمومنانوشو

نیم دیهودیانوشو ، نیم نور دسعودیانو شو

زیا ت  دپاکستان شو، یو څه کم دایرانیانو شو

اوس دا خیرات خور، دډالرونو تفالی کوی

راشه ملا وګوره

اوس واعظ دشهر پیش امام دشیطانانودی

خنډ دصادقانو ، ملا تړ دخاینانو دی

قتل دحسین ته ، تیغ بر دار دیزیدانو دی

دوست دهر دښمن دی او دښمن دافعانانو دی

ناست دی دوطن دخر څولوقبالی کوی

راشه ملا وګوره

وایی ملا جان چی زه غازی یمه تورزن یمه

زه واکدار دژوند او قتلولو دهر تن یمه

تخت او تاج می خپل دی ، زه مالک ددی وطن یمه

کوز به تری نه نشم په چوکی باندی مین یمه

اوس په خیټه موړ شو، نوی نوی توطئ کوی

راشه ملا وګوره

خلک ورته وایی  ملا ورشه  جوماتونو ته

وتړه ، وروتړه ټوپکوته ، بمونو ته

ټینګ شه عبادت ته ، ریاضت ته،آذانونوته

دا دنیا فانی ده، ځان تیار کړه ، جنتونوته

ځان رسوه حوروته ، غلمانوته ، جامونوته

زموږ ملا یی نه منی

خلک ورته وایی، چی وروری ښه ده، امان ښه دی

ناسته دمؤمن ښه ده، ملاتړ دمسلمان ښه دی

بیا تر هر پردی نه، دخپل کور کلی افغان ښه ده

دی ګردی دنیا نه یو بڅری دایمان ښه ده

مه خلا صوه لاره  تبا هی دولسونوته

زموږ ملا یی نه منی

خلک ورته وایی افغانان په پردو مه وژنه!

دغه خوار وګړی دایران په پیسو مه وژنه!

دا خواره واره دپاکستان په بمو مه وژنه!

دغه دینداران دبی دینی په پلمو مه وژنه!

وګوره قرآن ته، پاکالله ته، کتابونوته!

زموږ ملایی نه منی

زه خپله قاضی یم، هم قانون یم، هم سرکار یمه

زه درسولانو دمیرا ث سلسله داریمه

زه دجنتونو دویشلو ټیکه داریمه

ولس وایی لږ پام کوه زموږ ماتو سرونو ته

زموږ ملا یی نه منی

زموږ ملا اوس مخامخ ددین سو داګری کوی

تللی پیښور ته زموږ دخاوری بیپاری کوی

نوی وابی  شوی دسیاف سره یاری کوی

ووته میدان ته دډالرو جواری کوی

اوس قومندان شوی، بله ورځ به خرکاری کوی

چوپ شه چاته مه وایه