پېدائش

او ما ځان له ساز که پخپله جوړ

دخپل خوب نه د خپل خيال نه

د خپل غم نه دمستۍ نه

د خپل تول نه د خپل تال نه

او ما ځان له يار که پخپله جوړ

د خپل سوز نه د ارمان نه

د خوبونو نه د رنگونو نه

د گلونو نه د خزان نه

او ما ځان له غم که پخپله جوړ

دخندا نه خوشحالۍ نه

د وصال نه د خُمار نه

د بهار نه د لولۍ نه

او ما ځان له ژوند که پخپله جوړ

د اميد نه د رڼا نه

د تيارو نه د ښېرو نه

دغمونو نه د سودا نه

د ژوندون نه دمستۍ نه

او ما ځان له مرگ که پخپله جوړ

د سپرلی د زيړو گلونو نه

د لالونو نه د ځوانۍ نه