رشته

يا بې جرړو ونه زۀ وے

اؤ يا بې پرو مارغۀ وے

يا د نيم اسمان وے ستورے

يا د سيند د مېنځ اوبۀ وے

يا قطره وے د شبنم زۀ

نۀ مې پلار نۀ مې نيکۀ وے

نۀ مې دوست نۀ مې دښمن وے

نۀ مې بد وے نۀ مې ښۀ وے

دا جهان به لوې جنت وۀ

که رشته نۀ وے هر څه وۀ

خدايه! زۀ به ستا عاشق ؤم

کۀ تۀ وے ستا رُتبه نۀ وے

عاشقی به بزرگی وۀ

کۀ عشق وے معشوقه نۀ وے

رشتې زۀ کۀ خپل مالک ؤم

يا به زۀ ؤم يا به تۀ وے

هےئ د غرۀ د سر دا واؤره

کۀ غنی وے څۀ به ښۀ وے