رايادوئ د ميرويس خان وختونه

رايادوئ د ميرويس خان وختونه

مه هېروئ د خوشحال خان وختونه

زلمو ، تيار شئ چې ناکامه نه شو

ډېر دي نژدې د امتحان وختونه

اپريدو ، ولې حرکت نه کوئ

بيا کړئ تازه د دريا خان وختونه

مومندو، پل د ايمل خان ونيسئ

نه دي دانه دي د غيران وختونه

يو سفزو، مه هېروئ خدای لپاره

د چار غولی د عجب خان وختونه

ستاسو په غم کښې خان پټکی نه تړي

تېر شو سر تور د باچا خان وختونه

پښتونستان ګلان به کله بوی کړي؟

په تمه تېر کړل ملنګ جان وختونه