روره قلندره

روره قلندره

څۀ په پته پوې شوې چې دا ښکته ځی که بره

دې کښې څۀ واره شته چې سړے وکړی خبره

لسوبلاگانو کښې ده، کومه بلا غوره

اؤ روره قلندره

ما نه خفه شوے ، کۀ خفه ئې د اشنغره

کله کله مونږ له هم راځه د پېښوره

ښۀ وی چې ياران وی د سړی تکړه غاوره

نوم، ناموس او خوی او همه خونه معتبره

خو يو پکښې پکار دے دا زما غوندې بې سره

دا پکښې کُنجکه چې ساتی مو د نظره

او روره قلندره

دا ناتار خبره

گټې د زندان او قلا دواړه د يو غره

او روره قلندره

دا خوڅوک دمټه غواړی څوک ئې د ځيگره

زۀ کمزورے ښۀ يم وی کمزوری بې ضرره

مونږ نۀ بل وژلے شو نۀ ځان له لرو زغره

او روره قلندره

ډېرو کښې ضرر چرته کښې ورانه شی خبره

بس دے نور به چپ کړم خو بس دا پکښې د سره

دا څنگه سيندونه دی هم ښکته ځی هم بره

هغه صاحبزاده ته وايه يا پيره کافره!

خلاص دې مريدان شه د تاتاره د بربره

ستا قيمت به ډېر وی هم ياران دې بې لمبره

سر د اشنا نۀ ځارئی يار، څوک د خان د سره

او روره قلندره

نورۀ کۀ څۀ ورانه وی نو تۀ ئې کړه برابره