تنظيم په نظم د عبدالاکبر خان

غنی کړې سترگې پټې ستا تصوير ئې اوليدۀ

چيندخ په لوټه وخوت، کشمير ئې اوليدۀ

چا وليد په ژړا جانان، چا وليد په خندا

چا وليد په خوبونو کښې، چا مستۍ کښې د لېلی

عيسی ورته مُسکے شو چې شمشير ئې اوليدۀ

چيندخ په لوټه وخوت، کشمير ئې اوليدۀ

چا وليد په سپوږمۍ کښې، چا د شپې تورو تيارو کښې

چا ډوب د غم درياب کښې، چا د حسن نندارو کښې

چا وليده پيلی په مستو نرو نرو کښې

اؤ اوليد لېونی چې خپل تقدير ئې اوليدۀ

چيندخ په لوټه وخاتۀ کشمير ئې اوليدۀ

اے لويه سمندره اؤ حسنونو دمستو

رنگين د رنگ جهانه د رنگينو تنستو

چې بخت د نمر خاتۀ دی، کۀ قسمت د پريوتو

اؤ عيسی ولې مُسکے شو چې شمشير ئې اوليدۀ