اختر حیات قمر

اختر حیات قمر

نوم اختر حیات تخلص قمر کلے ډھرۍ بھادر خان بټګرام تاریخ پېدائش ۱۳ فروری

۱۹۷۰ء مېټرک د ګورنمنټ ھائ سکول اوګۍ نہ بی اے د ګورنمنټ کالج اېبټ اباد او

اېم اے پښتو ئې پہ پرائیوېټ توګہ اوکړو ۔ د ملازمت ابتدا ئې د یو استاد پہ

حېث اوکړہ نن صبا پہ بټګرام کښې د اسسټنټ اېجوکېشن افسر پہ طور کار کوی ۔ د

اختر حیات شپږ شعری مجموعې ګلِ لالہ ، غانټول ، ستا د ښائیست ګلونہ ډېر دی ،

څانګہ بہ نن صبا کښې ګل شی ، اترنګ د ھائیکو مجموعہ د شېخ ایاز د منتخب

پہ ھائیکو کښی کوی ۔ اختر حیات ترقی پسند شاعر دے ۔ د قمر پہ شاعرۍ کښې د

انسانیت غم ، قام پرستی د کمزورے طبقی فکر ، رومانیت موندے شی ۔ حقیقت

پسندہ شاعر دے د فن د ښکلہ طرف تہ ئې دھېان کم دے ۔

دا وجود مې ستا وجود دے

چې ستا یاد پکښې موجود دے

ستا د نوم پہ ذکر پائیم

چرتہ زیان دے او کہ سود دے

ماتہ یو دے چې انسان دے

څوک ایاز دے کہ محمود دے

کہ عرب دے کۂ عجم دے

زۂ ئې څۂ کړم کہ نمرود دے

ما پہ دواړو دے منلے

کہ وجود کہ شھود دے

د مذھب د پنډتانو

تر خپل ذات فکر محدود دے

ما قمر لہ دومرہ بس دے

ستا کرم چې لامحدود دے

د مینې پنډ مې سر کړے در پہ در ګرځوم

د شر پہ زمکہ لکہ خاورې ھسې زر ګرځوم

بس تہ ٔ خو دومرہ قدرې اووایہ چې ستا یمہ زۂ

قسم دے زۂ بہ دې ټول عمر لہ پہ سر ګرځوم

ما خو ھیڅ څوک ھم بې غرضہ پکښې اونۂ لیدۂ

زہ چې څلور کنجہ دنیا باندې نظر ګرځوم

د مذھبونو ، عقیدو د نفرتونو جنګ کښې

نن وینې وینی تصویرونہ د بشر ګرځوم

خدایہ پوھہ او شعور دې دومرہ راکړلو چې

اوس خپل شعور پہ اوږو بار لکہ د غر ګرځوم

ھر څو کہ ژوند مې مازیګر تہ رسېدلے دے خو

ستا د دیدن ارمان لا اوس ھم مازیګر ګرځوم

دا چې ئې دومرہ چینار قد دے پېرزو کړے پہ ما

زۂ ھم ًپہ غېږہ کښې بلھا ستړې د نمر ګرځوم

تۂ کہ ھر څو د تکبر ګوتہ خپل ځان تہ نیسې

زۂ ھم اسمان کښې کلہ کلہ خپل قمر ګرځوم