ډاکټر شېرزمان سیماب

ډاکټر شېرزمان سیماب

نوم شېرزمان د پلار نوم ګل محمد خان کور کلے تاڼہ ملاکنډ تاریخ پېدائش ۱۰

فروری ۱۹۷۳ ء تر بی اے پورې تعلیم پہ خپل کلی تاڼہ کښې حاصل کړے دے ۔ اېم

اے د پېښور یونیورسټۍ نہ سرہ د ګولډ اېم فل او پی ایچ ډی یې ھم لۂ دغې

یونیورسټۍ نہ اوکړو ۔ اولہ تقرری پہ حثیت د پښتو لیکچرر پہ ګورنمنټ کالج

جوړ بونېر کښې اوشوہ خو بیا پہ پښتو اکېډېمۍ پېښور کښې د ریسرچ افسر پہ طور

یې کار شروع کړو او اوس ھم دغلتہ خپلہ وظیفہ تر سرہ کوی ۔ پہ ملاکنډ کښې یې

مختلف ادبی تنظیمونہ جوړ کړی د ھغوی سرپرستی ھم کوی ۔ د مختلف رسائلو او

جرائدو مدیر پاتې شوے او اوس ھم دے ۔ ډاکټر شېرزمان سیماب یو شاعر ، محقق

،افسانہ نګار او خاکہ نګار دے پہ موجودہ وخت د سوات پہ تاریخی ، جغرافېائی

کړی دی

شاعری یوہ تحفہ دہ دا نۂ پہ ډېر علم دہ او نۂ پہ ډېر ریاض ډاکټر صېب سرہ

یوہ لاحقہ لږېدلې دا ھغۂ لہ غلطۍ کولو اجازت بېخی نۂ ورکوی د حدنہ زیاتہ

خود اعتمادی د ھغۂ فن لۂ پارہ ښہ نۂ دہ ۔ ما د ھغۂ پہ غزل او املا دواړو

کښې عېب محسوس کړے دے ۔ غزل ستاسو د مخې دے او د املا د ھغۂ پہ حال کښې

تالیف افګار ملاکنډ کښې کتے شئ

تورې غټې غټې سترګې پہ رخسار کښې

کہ حبش چرتہ ولاړ دی پہ انګار کښې

دا یې نرم سرۂ وېښتۂ پہ اوګو ځانګی

کۂ ګلونہ را بھېږ ی پہ ابشار کښې

دا دې پړق د مېخکی دے لوړ قامتې

کۂ د نمر د سترګې برېښ دے پہ چینار کښې

دا نرمی دې د خبرو دہ دلبرہ

کۂ نہ زرکہ د سپرلی دہ پہ چغار کښې

دا سرخی دې دہ جانانہ د سرو شونډو

کۂ ګلونہ ټوکیدلی پہ بھار کښې

پہ وړہ خولہ کښې غاښونہ دې ځلېږی

کۂ پئیلی ملغلرې دی پہ تار کښې

دا ښائست د ادم زادې دے سیمابہ

کۂ نۂ حورہ راوتلې پہ سینګار کښې

چې د مئین ئې جنازہ اوویستہ

ھغې د ظلم نہ توبہ اوویست

د ارمانونو لالہ زار تہ لاړم

ژوندونہ تالہ مې نقشہ اوویستہ

جوټې ئې اوخوړې پہ ټال د نسیم

غوټۍ د غنو پہ سر شپہ اوویستہ

چرتہ شپونکے شتہ ددې ګډو بیزو

چرتہ شپېلۍ شوہ چا ټپہ اوویستہ

ما د غزل پہ ائینہ محبوبې

د فن پہ ګوتو ستا څحہرہ اوویستہ

د مداریانو مدحې نۂ وایمہ

ما ئې د ھر مدار نہ پښہ اوویستہ

د خپل شبابہ بہ لاسونہ وینځی

چې ستا پہ خوا کښې چا شېبہ اوویستہ

سیمابہ وی بی شرمېدلے ولاړ

د خپل څادر نہ چې چا پښہ اوویستہ