فقیر بادشاہ فقیر

فقیر بادشاہ فقیر

نوم فقیر بادشاہ تخلص فقیر د پلار نوم سیال بادشاہ کور کلے ټل تاریخِ پېدائش

۱۹۵۸ء تعلیم د لیک لوست تر حدہ ۔ د پښتو ادبی تنظیم چمن ټل غړے دے ۔ پہ

سعودی عرب کښې ئې ډېر وخت تېر کړے دے خو نن صبا پہ مستقل توګہ پہ کور کلی

دے ۔ اول ئې پہ اولسی رنګ کښې شاعری کولہ خوکلہ نہ چې پہ ادبی تنظیم چمن ټل

کښې ناستہ پاستہ شروع کړہ غزلې ئې ھم اولیکلې ۔ رباب ئې یاد دے ۔ پہ حجرو

او مېلسونو کښې بہ ئې خپل کلام موسیقۍ سرہ زمزمہ کولو ھم دغہ وجہ دہ چې ئې

چل ترې ھم ھېر نۂ دے ۔

زلفې چې پہ سپین مخ راجوپکہ کړی

خدائیګو د کور لارہ رانہ ورکہ کړی

کلہ چې تندی کښې ګونجی راولی

تنګہ بس پہ ما باندې دا زمکہ کړی

ھسې ھم د ګل پاڼو نہ جوړہ دہ

نور ئې ھم زما لیدۂ نازکہ کړی

ودرېږی ائین تہ چې سیګار کوی

ځان تہ ائینہ ھم حقہ بکہ کړې

راشی مخا مخ چې ناڅاپی پہ ما

زړۂ مې پہ ګوګل کښې داسې پړکہ کړی

تا چې د فقیر لمنہ اونیوہ

اوس بہ دې خداے خپلہ لمن ډکہ کړی

قرارہ نیمہ شپہ وہ د خپل ځان سرہ لږیاوم

سر پروت مې پہ سجدہ وۂ بس جانان سرہ لږیاوم

یو داسې تصور وۂ چې دنیا نہ ئی بھر کړم

لۂ زمکې ئې اوچت کړمہ اسمان سرہ لږیاوم

چې لار د محمد مې کړلہ خپلہ نو پہ لار شوم

نن ځکہ پہ جګړہ وم د شیطان سرہ لږیاوم

دعوت ورکوم خلقو تہ کوڅہ پہ کوڅہ ګرځم

ستا لار تہ ئې رابولم ھر انسان سرہ لږیاوم

تۂ دومرہ شوې کمزورے خپل نفس دې قابو نۂ کړو

فقیر پہ دې خبرو د خپل ځان سرہ لږیاوم