قاضی حنیفﷲ حنیف

قاضی حنیفﷲ حنیف

نوم قاضی حنیف ﷲ تخلص حنیف د پلار نوم قاضی محمد یوسف تاریخِ پېدائش ۱۹۵۶ء

کلے بډھنۍ تحصیل پېښور ۔ ابتدائی تعلیم پہ خپل کلی کښې حاصل کړو ۔ لسم ئې د

اکبر پورې ھائی سکول نہ پہ کال۱۹۷۶ کښې اوکړو ۔ څوارلسم پہ کال ۱۹۸۶ء کښې

پہ کال ۱۹۸۸ کښې اېم اے پښتو پہ کال ۱۹۹۳ ء کښې اېم اے اردو ، پہ کال ۱۹۹۷

کښې د احمد شاہ ابدالی پہ ژوند ایم فل او ۲۰۰۸ء کښې د سائنسی شعور او اظھار

پہ موضوع پی اېچ ډې اوکړہ ۔ د ملازمت ابتدا ئې پہ کال ۱۹۸۶ ء کښې د پېښور

یونیورسټۍ نہ کړې دہ اثار ئې څۂ دا رنګې دي ۔ مونګرہ شعری مجموعہ ، شعری

مجموعہ غمزې ، د اردو شعری مجموعہ “ساون کی پہلی بارش ‘او کرہ کوټہ ۔

رومانی غزل لیکی چې پکښې د حسن عشق خبرې دې

نۂ ګوری ھیچاتہ ټیټ لېمۂ ساتی

پټ مې جوړې خلقو نہ پہ زړۂ ساتی

خېر دے کۂ اوړۂ شم د وخت ژرندہ کښې

سترګو کښې کہ ما لکہ رانجۂ ساتی

عشق ئې لا کچہ دے پخېدۂ غواړی

څوک چې د بیلتون پہ تنارۂ ساتی

وخت کہ د ځوانۍ ئې سترګې تورې کړې

څنګہ بہ څوک وایہ تر ې نہ زړۃٔ ساتی

ھسې بہ ځوانی پہ حنیف تېرہ کړی

مړواې ګلان زلفو کښې څوک نۂ ساتی

چې د شونډو پہ شرابو دې سېراب یم

ستا د مخ د کعبې ښہ پوې پہ اداب یم

سوال جواب چې راتہ ستا لہ درہ نیشتہ

زۂ د عقل ھر یو سوال تہ لاجوب یم

ستا ښائست راسرہ داسې لوبہ اوکړہ

چې ھم یم زما دلبرہ ھم سراب یم

اول تاب مې ستا سترګو راوړے نۃٔ شو

اوس دې ګلہ پہ نظر پسې بې تاب یم

ستا د حسن د معنې اظہار د پارہ

کائنات کښې زړۂ راښکونکے انتخاب یم

پہ تعبیر باندې مې ھیڅوک نۂ پوھېږی

اے حنیفہ یو حسین لیدلے خواب یم