عقلمند چې د خپل عقل په لمسون ځي

عقلمند چې د خپل عقل په لمسون ځي

لېوني په اشاره دخپل جنون ځي

تله راتله وي همېشه د نن رباط له

سبا ځي نه چې راځي نه چې پرون ځي

سرکوزي زما نظر زده کړې نه ده

ناممکن چې سرلوړي به د پښتون ځي

د مقصد د پاره حاصه زلزله وي

تل د ځمکې ته هر آن کله قارون ځي

خبر نه يم ستا له برنده التفاته

هر نظر دروېزه گرولی ممنون ځي

دوه جهانه يې دوه گامه دې د نفس کړل

خدای زده چرته به د دوو سترگو مفتون ځي

لېونتوب ښکاري حمزه چې عقل پوخ شي

سل مفهومه يو گفته شي نور مضمون ځي