اشنا د نيمې ورځې نمر وختو

اشنا د نيمې ورځې نمر وختو

گورو چې بېخ د کوم نظر وختو

شومه خبر په حقيقت د خبر

ډېر چې خبر و بې خبر وختو

د هغه ستوري موسېدل څه ښيې

چې په راتگ د لوی سحر وختو

زه نو بيا داسې بې خبر ولې يم

چې هر خبر د يار خبر وختو

د محبت سترگې مړې که نه دي

حسن ددې نه هم نهر وختو

په عشق کې داسې هم مقام راغی

کوم چې رقيب و نامه بر وختو

ډاډه کاکل شو ستا په سر ظالم

گوره دا تور حبش په سر وختو

يو حقيقت مې په هر څيز کې ليدو

دا حقيقت زما نظر وختو

حمزه رښتيا گڼي اقرار د اشنا

چې نيمه شپه راغله قمر وختو