اشنا که مې له حاله خبردار شي رابه شي

اشنا که مې له حاله خبردار شي رابه شي

اوس مست په خپل جمال دی چې هوښيار شي رابه شي

محسوس له ډېره حسنه کړي خوبرو کمي د حسن

اوس بويه بويه خلاص يې چې سينگار شي رابه شي

ښايست يې کړه ځواني د بې نيازۍ په خوب ويده

يو څو ورځې خمار دی چې بيدار شي رابه شي

د شپو ورځو په رنگ کې مې چشمان دي لاغلط

حاصل د انتظار چې انتظار شي رابه شي

حمزه وصال خو مرگ دی ته يې غواړې نه راځي

وار وکړه چې دې ژوند وي چې يې وار شي رابه شي