آزادي

په شړۍ کښې ښه يم زه آزاد فقير

نه ورېښمو کښې چينجی غوندې اسير

په خمتا کښې حرازاد ښه دی سل ځله

له غلامه چې لباس يې وي حرير

دوژغنو په کېږدی کښې که آزاد يم

يووېښته به يې ورنکړم په کشمير

په ويجاړه کښې مرغه ځاله کښې خوښ وي

په قفس کښې د سروزرو وي زهير

چې مرغان په هواوينم چرگ په ځمکه

راته ياد د اسارت شي بدتاثير

همېشه اسير مرغه دي خوړل شوي

او بڼکی يې بالښت دخان او مير

له ليندی دا سارته چې څوک خلاص شي

بې وزرو په هوا ځي لکه تير