بابا

خپل نيکه ته لمسو وويل بابا

احترام به دې کوو سبا بېگا

بر به ناست يې ښکلوو به دې لاسونه

جوړوو به درته ښه عبا قبا

سموو به دې پڼې چې چېرته ځې

ته به مخکښې يې روان او مونږ تر شا

په ادب کښې به هېڅ نه کوو تقصير

مبارکه گڼو ستا د لاس امسا

ستا وجود دی غنيمت زمونږ د پاره

ته نور هېڅ مکړه کوه راته دعا

نوم به ستا وي او کارونه زمونږ لاس کښې

تا به ساتو لکه خپل پير او پېشوا

خو زمونږ کار کښې کار مه لره مونږ پرېږده

خپلې خوښې ته چې هغه کړو که دا

دا د ستور دی چې زامن يې شي دکار

د کاله واک و اختيار ورکوي پلار