غزل چاپېرولې ستا د کور شوې د افلاس لښکرې وايه Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چاپېرولې ستا د کور شوې د افلاس لښکرې وايه چې عاري شوې له مذهبه، اوس د غم سندرې وايه 02 دا پرون چې لاړو نن و او سبا چې راځي نن دی پرونۍ خبرې پرېږده نننۍ خبرې وايه 03 د سبا خو هسې نوم دی، که رښتيا وايم خو نن دی سبا چرته وي چې بل وي په تا اور د سرې وايه 04 د خوارۍ د سيند و تل ته خوش نصيب يې رسېدليه ترې بهر نه راوباسيې ولې مرغلرې وايه 05 چې دې زهر په بدن کې کړه خواره د جهالت مار اوس به روغ په ډېر مشکل شې لا حاصل منترې وايه 06 چې به تا له ډېره کبره د پڼو په څوکو يون که اوس چې نه خورې نو به څه خورې په تندي چيترې وايه 07 ای غمگينه پرېشانه شکر لب دهانه ای حمزه! شېوه بيانه خوره شکر شکرې وايه Dictionary meaning × Headword
