چې د اشنا غمونه گران دي په ما

چې د اشنا غمونه گران دي په ما

څومره چې گران هومره اسان دي په ما

خدايه له دې يې بې خبر ساته

مهربانۍ چې د اسمان دي په ما

گلونه څيرې گرېوانه نه دي

ستا په نظر همه چشمان دي په ما

تا چې ښکنځا دي نن رقيب ته کړي

ځار دې له خولې شمه تاوان دي په ما

شولو رخصت د التفات سره دی

دا کرمونه د ارمان دي په ما

اوس کجاوې هم بړبوکۍ گڼمه

گلستانونه بيابان دي په ما

حمزه! دا نن په ميخانه کې ولې

واړه مستان چې مهربان دي په ما؟