چې مې غم له حد نه زيات شولو غم نشته

چې مې غم له حد نه زيات شولو غم نشته

چې ژړا مې ډېره ډېره کړه نم نشته

تصور دې بيا له ما نه مرور دی

معلومېږي نن سبا دې ستم نشته

عاشقۍ دې راله هسې دم راکړی

دم مې شته دی، که په دم کې مې دم نشته

ستمونه دې له حد نه شو بې حده

هېڅ وتنه مې په زيات او په کم نشته

ته د وروځو په خنجر کړه گوزارونه

زه الف يم که غوڅ غوڅ شمه خم نشته

د هوسۍ سترگو دې ښکار يم که مې وينې

لا هغه شانې وحشي يم خورم نشته

نوی نوی تخيل نن د حمزه دی

خو په جېب کې يې کاغذ او قلم نشته