د اورونو ځولۍ

عزازيل کوثر نيولى خضر ويني ويني ژاړي

کنډولى له تندي سوځي د ساغر شونډي سپېرې دي

شيخه ځه شيطان دي مل دئ تر چوخې لاندي يې نوشه

ځه توبه دي سوه قبوله خلوتونه خمخانې دي

چي پرون به دي چيچلې د کاسې په طمع شونډي

نن يې وړه درته روا دي بې وارثه آشيانې دي

مبارک دي سه زاهده کوڅې ډکي دي له حورو

پکښي وسوځه سجدې دي پکښي ماتي که توبې دي

نن دي وار دئ سړوه يې د کلونو وحشي تنده

د ګناه تخمونه پاشه بې صاحبه کروندې دي