غزل دا چې راته وايې نه يې ته زما په رنگ Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 دا چې راته وايې نه يې ته زما په رنگ ته چې يې زما په رنگ، زه يم دچا په رنگ 02 څومره خوږ فرېب و د وصال په تصور کې وچې سوه، پرې پوه شوم چې پرده وه ستا په رنگ 03 حال دې رهبر ووې خوله رنگه دې خاموش وه نه لري هېڅ وس بغير له بوی سبا په رنگ 04 مه راځه تپوس ته پخوانۍ سترگه مې گوره شو په ځنکدن کې مې مېلمه قضا په رنگ 05 زه د بوی په تمه د وفا درته قريب شوم ای کاغذي گله زه دې کړم خطا په رنگ 06 ما دې يو سيرت په دين دنيا دی غوره کړی نه يم له هغو چې ورکوي بها په رنگ 07 ای دگلرخانو دزلفانو مسته بويه ستا په هر يو رم کې شته تازه جفا په رنگ 08 ای زلميه وينه مې د زړه درنه قربان ده سرې سترگې راځه پټه ساته بلا په رنگ 09 سوز به بې له ديده زياتېده دحمزه ولې کاندي بلبلان دگلستان نوا په رنگ Dictionary meaning × Headword
