د دعوت مې رقيب کړی انتظام دی

د دعوت مې رقيب کړی انتظام دی

خدايه خر کړې نوی رنگ د انتقام دی

برندې سترگې مې د يار زړه ته په ځير شوې

بيا حبشو په کعبه تړلی لام دی

ساقي جام دې راله هسې سبق راکړ

چې مقصد له صد گرد شه يو قيام دی

هېڅ خامي دې نوره نشته په سينگار کې

خو بس دومره آيينه چې گورې خام دی

د فراق د سحر شوره چې رانه شې

دحسرت مې خاموشۍ ته څه پيغام دی

په پياله مې د شرابو پام غلط دی

چې په زړه مې ستا دبرندو سترگو پام دی

وېره ډېره، مزل لرې حمزه ستړی

بدرگه د تصور وايي يوگام دی