دا حوصله چې وار خطا ده زما

دا حوصله چې وار خطا ده زما

خپله وفا بده بلا ده زما

تا چې وعده نن د وصال وکړه

هغه د هجر شپه سبا ده زما

نوره همه خوښه د تا کومه

ستا د صفت خوښه زما ده زما

زه به هغه کړم چې رټې مې پرې ته

ستا په رضا باندې رضا ده زما

سردې چې ټيټ کړو زړور مې شو لاس

څه گستاخي ده خو روا ده زما

کله موسکی، کله حيران شي راته

جوړ د خندا غوندې ژړا ده زما

ته په حمزه تل مهربانه اوسې

ای مهربانه دا دعا ده زما