د مني خاطره

دخزان تابلو لري څومره رنگونه

راشئ! وگورئ د زيړ رنگ عالمونه

دا چې باغ کښې طلايې رنگونه وينئ

که پوهېږئ خپل قيمت ښيي باغونه

خزان راغی منظره دباغ شوه بله

ونو بوټو طلايي کړه جامه خپله

په طلاو کښې ډوب شويدی

په دولت مينه مه گوره ورځغله

ساړه راغله زېړي پاڼې راتويېږي

سوړ تنور د غريبانو پری توديږی

په گرمۍ کښې که يخ سيوری د راحت و

په سړو کښې سره لمبه ده چې بلېږي

کله گل کله مېوه وي په باغو کښې

کله سيوری کله اوروي په دېرو کښې

کله پاڼې دي په کار کله لرگی

هر څه شته دي د باغونو په کوروکښې