د وطن خاوره

چې کېميا بوتی پسې گرځي څوک په سمه او غر

دوطن خاوره دکېميا ورکړئ سراغ او خبر

له سپېرو خاورو پيدا کېږي څه چې غواړي بشر

که زحمت واخلي په ځان باندې او لري څه هنر

په کار او زيار باندې له تورو خاوروزرجوړېږي

دکاريگر د لاس تڼاکو نه گوهر جوړېږي

ستا که خوراک دي که پوښاک واړه له خاورو پيدا

حيف او افسوس دی که آباده نکړی خپله بېديا

ياپرېږدې خاورو لاندې پټ خپل معدنونه وړيا

څه چې لری وايې خلې ته په گران قيمت له بل چا

نفت په کاله کښې تاپيپو نه گرځول ورپسې

لوبه منگی کښې وې ته تږې گرځېدلې هسې

وړۍ زمونږ دي اوشړۍ اخلوله بل ځنې تل

پوټکۍ زمونږ دي جوړوي ترېنه بوټونه يو بل

گلان زمونږ دي بويوي يې د پرديو بلبل

هر څه لروخوده خالي زمونږ لمن او منگول

راشئ چې و غړوو سترگې شاوخوا وگورو

ښکته او پورته سمه غر خپله صحر او گورو

خلق غرونه کني پکښې راز راز خزانې لټوي

زمونږ ځوانان پکښې د سوو وچې خادې ټولوي

څه چې پيدا کړي هغه اخلي خپلې شپې تېروي

ځمکه که کيني نور څه نکړی جنازې ښخوي

نورو له وسپنې فولاد او ماشينونه جوړ کړه

مونږ ترې ناقص اسباب او پڅ لرونه وجوړ کړه