نظم د صلح نړۍ Gul Pacha Ulfat Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 هر ملت په هر نظر کښې وي ښاغلی که په هر رنگ وآيين کښې وي راغلی 02 سړيتوب وي محترم په هر لباس کښې په زري جامو کښې وي که په کرباس کښې 03 داسې وساتي هر څوک خپل مسلکونه چې ونکړي يو له بله سره جنگونه 04 ټول جهان د دوستۍ کوروي سرتر سره د جنگ ويره شي له زړونو نه بهره 05 زور تړلی وي د صلح په قانون مهار شوی مست اوښان وي د جنون 06 تويول دوينو شرم او پېغور وي شرمنده ذليل سرټيټی ظلم زور وي 07 جگ شي هر چېرته دصلح بيرغونه شي په سمه لار روان سياستونه 08 د انسان زړگی له جنگ اوجگړې تور شي توره ماته شي او جوړ ورنه څه نور شي 09 خوله نه وي علامه د خجالت په خدمت خولې کېدل وي شرافت 10 يو له بله محبت مهرباني وي د الفت هيله او فکر جهاني وي 11 زه له تا ځنې ځارېږم ته له مانه که جدا هم وي زما آيين له تانه Dictionary meaning × Headword
