غزل د هستۍ دمور په سترگو کې ځمبار يم Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د هستۍ دمور په سترگو کې ځمبار يم لا پخوا د جگېدو نه په رفتار يم 02 د وحدت د آيينې په کور مې گوره له نسبته د يو عکس نه بسيار يم 03 د هستۍ له درانه باره نه خلاصېږم بيا زه ولې دهستۍ د پاره بار يم 04 دځوانۍ اومه شراب چې يې سرور لاړ اوس له ځانه يم خفه هغه خمار يم 05 اوس مې داغ د هر حسرت بله ډيوه ده په بيديا د بېکسۍ کې يو مزار يم 06 ياره راشه ساه د صبر مې ډوبېږي په واته يم اسوېلی د انتظار يم 07 رقيب ويني خو گلان دخپلو سترگو زه حمزه يم پرې خندان لکه بهار يم Dictionary meaning × Headword
