غزل د هستۍ زړه په درزا دی څه خبر دی خبر نه يم Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د هستۍ زړه په درزا دی څه خبر دی خبر نه يم نور خو هېڅ نشته په مېنځ کې ورله زه خو خطر نه يم 02 مخ دې نيم په زلفو پټ و نمر جوړ تندر و نيولی د ديدن دې ارماني وم ارماني د نظر نه يم 03 گله! زه دې لکه بوی وم چې مې تا ونه کړو قدر مجبوري ده چې بهر شوم ولې بيا هم بهر نه يم 04 اوس همه هنر يم چې مې ستا په زړه کې ځای شته ما له ښه بې هنري شوه پروادار د هنر نه يم 05 زه وختونه داسې نغرم لکه ياره ستا غمونه غلچکي دې د ښايست دي د وختونو نهر نه يم 06 زه د مينې مبتدي يم ته د حسن منتها يې دومره ده چې زه خبر يم، دومره ده چې خبر نه يم 07 ستا نمود وته د حسن حجابونه کافي نه دي زه وجدان کړمه ستا مينې که صاحب د نظر نه يم 08 زه هم ستا دروېزه گريم که صدا په هر يو در کړم ما حمزه گڼلي نه دي چې حاضر دې په در نه يم Dictionary meaning × Headword
