د زړه مضمون

اندېښنې چې په زړه کښې لکه لال په جگرخون شي

پس له ډېرو زړه چاودنو د رنگين شعر مضمون شي

زړه ته نور څه پاتې نه دی ټول په شعر اوبه شوی

د شاعر زرگی چې شين شي د ادب گلان زرغون شي

هنر غواړي زړه چاودنه او د زړه په وينو پايي

د غوټۍ د زړه مضمون دخود لوستو په زړه چاودون شي

طوفانونه دی پټ شوي د قلم هره قطره کښې

د اشعارو بحر گوره سترگو يو ته چون شي

شخصيت ورو ورو لوئېږي خلک ډېر وروسته پوهېږي

دا د نن ورځې شاعر به پس له مرگه افلاطون شي