د زړه شکوه

گلونه ډېر دي گلرخان نشته

د گلوخوا کښې بلبلان نشته

نندارې شته دي سترگور د پاره

د سترگورو قدردان نشته

هوا هوس کړه خلق مريونه

آزاد هوس نه يو انسان نشته

مطلب دپاره تگ راتگ ډېروي

مينه پالونکی آشنايان نشته

په باغ وبڼ کښې تازگی گورم

تازه فکرونه نن زمان نشته

د لوبو منډو ميدان جوړ شوي

ميدان د فکر دجولان نشته

په اديرو به گلان راشنه شي

په مړو تاثير نور د باران نشته

په خوله ډېر ښه دی زړه يې ښه نه دي

ښه فکر نشته ښه گمان نشته

مين په گټه زړه شي د گټې

سنگدلان ډېردی موم دلان نشته

د زور او زرو غلامان ډېر دي

دلته د زرو صاحبان نشته