دنيا د تخيل مې گل ورينه غوندې ښکاري

دنيا د تخيل مې گل ورينه غوندې ښکاري

خندا چې ستا په سرو شونډو ريښمينه غوندې ښکاري

ناڅاپه راپه ياد شې چې راياد شې نو راياد شې

پخوا خو داسې نه و دا خو مينه غوندې ښکاري

راتلل دې د ريبار سره په توره شپه خوښ نه دي

اشنا نن دې خبره راته سپينه غوندې ښکاري

چې ستا په تصور کې په بار بار گورم اسمان ته

څېره د نيمې شپې سحر جبينه غوندې ښکاري

فرهاد نه و يکتا چې دا يې نه وې تېشه کېږده

فرهاده دا فرهاد خو دې شېرينه غوندې ښکاري

حمزه جوړ تمنا دې د اشنا مهر ليدلی

زر زر مرورېږي څه نيازبينه غوندې ښکاري