داسې زه د يار په عشق کې يم په دار مست

داسې زه د يار په عشق کې يم په دار مست

لکه گل وي د چمن په نوبهار مست

ما چې شمار نه کړې په مستو لېونو کې

ای زاهده! يم خرمست، ولې هوښيار مست

د الست هغه نغمه مې لا تر غوږ ده

نو به څنگه شم په ميو ددې دار مست

چې تمکين زما بدل په تلون شو

لا تر اوسه ځکه دی زما قرار مست

د ازل نه ده مستي زما په برخه

نقصان څه دی که شم اوس د چنگ په تار مست

ای حمزه ښه هغه مست دی له رندانو

چې وي تل د يار د ميو په خمار مست