غزل گوټ د سرو شرابو دتوبې سره ضرور دی Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 گوټ د سرو شرابو دتوبې سره ضرور دی بېرته چې کړي ور د اجابت هغه سرور دی 02 واړه اداگانې د ښکلا چې پرې ژوندۍ دي هغه خو د ښکليو په مړو سترگو کې غرور دی 03 ستا د تصور غرڅه، په څېر دتا د سترگو هم رانه په ترهه دی او هم راته حضور دی 04 سترگې مې که ستا په تصور شولې بې نوره ماته دې تيارو بخښلی ستا دزلفو نور دی 05 ته که مرور شي خو پخپله به پخلا شي ځکه چې عادت په زمانه کې دمرور دی 06 حسنه د تا خوی که دريابي دی ستا له موجه مينې هم هنر ترېنه زده کړی دعبور دی 07 قهر خو نن ماته اشنا کړو په محفل کې زړه ته مې ډاډ راغی چې رقيب ولې ترور دی 08 هېڅ نه يم خبر چې دنظر په گستاخۍ مې زور دی د حيا که له غضبه يې مخ سور دی 09 ستا د ناتمامه غمزو غشو تاب مې نه و ستا تر څنگه راغی د حمزه دغه قصور دی Dictionary meaning × Headword
