حجة الوداع

په سره اهاړ كي د غونډۍ پر څوكه

چيرته ولاړ و نازولى د خداى

ورته راټول وه بېحسابه خلګ

چى واوري څه وايي ښاغلى د خداى

هغه د نور د دريابونو څښتن

چي ورسره وي آيينې د جانان

هغه د سولي او وروروۍ پيغمبر

هغه د تورو د ميدان پهلوان

چي يې تندي يوه سجده منله

چي را نسكور يې كړل د خټو خدايان

چي يې د جهل پر تيارو خپره كړه

رڼا د عقل پلوشه د ايمان

هغه د حق د سپينو تورو ژبي

تندر په كور كي د باطل او شيطان

سترګي او لاس يې كړل آسمان ته پورته

هغه د عدل او انصاف قهرمان

ويل يې واورئ زه به تل نه يمه

ستاسي له منځه بل جهان ته ځمه

ما مي كتاب دركړ د لاري مشال

پر هغه لاره خپل جانان ته ځمه

مقدس وګڼئ د بل مالونه

درته حرام دى مال د هر مسلمان

پام كوئ ويني چى د چا توى نه كئ

چي په غوسه به سي خالق د جهان

د ژوند مالك د آسمانونو څښتن

خرابه نه كړي څوك بناء د يزدان

پكښي پيدا كئ د حق سپيني لاري

درته پرې ايښى مي كتاب دى قران

په امانت كي خيانت ونه كئ

ښځه د كور ښځه د ژوند زينت ده

ښځه ناموس ښځه مور د انسان

ښځه ښايسته لكه د ګلو ګېډۍ

وركړى رنګ د جنتونو باغبان

ښځي له غيږي دي تر ګور ملګري

د غم ښادۍ د كور او اور ملګري

چي څوك آزار نه كئ د خداى بندګان

د حق مشال ويله خلګو واورئ

د ابل وصيت مي دى د ښځي په نوم

دا ښايسته رنګين مخلوق د سبحان

د حق په مخ كى انسانان دي يو شان

عرب، عجم كه په رنګ تور كه سپين دي

په ترازو كي د يزدان دي يو شان

هلته عمل دى د هر چا ملګرى

صاحب، غلام او سلطانان دي يو شان

ټوله په امر د سبحان رهي سئ

نه چي پر لاري د شيطان رهي سئ

هغه دښمن دى د آدم د اولاد

هم به مو دين او هم دنيا كي برباد

كه وصيتونه مي د چا وي په ياد

د حق مشال وكړې وروستۍ خبري

چى لګېدې لكه خوږې شكري

څو ورځي وروسته خپل جانان ته ستون سو

له فاني كوره بل جهان ته ستون سو

سوه دا نړۍ په اجاره د شيطان

زړونو ته ولاړه وسوسه د شيطان

په دواړو كونو به يې زړونه وي ښاد

لاري د حق سوې په تيارو كي پټي

پر وينو وسوه غلبه د شيطان

د خلګو هېري سوې وروستۍ خبري

له زړونو ولاړې د ورورۍ خبري

له هغه دمه تر دې دمه پوري

له آسمانو د غضب كاڼي اوري

د مځكي مخ د وينو رنګ اخيستى

لا يې پخوا دي ورځي سختي نوري

هغه د عدل او انصاف قهرمان

په وروستۍ ورځ يو حقيقت كړ بيان

چي زه پر مځكه يم وروستى پيغمبر

بل درته نه راځي د خدايه رهبر

ما درته راووړ له آسمانه كتاب

له خپل خالق له خپل جانانه كتاب

پكښي څرګندي د جهان لاري دي

هم د رحمن هم د شيطان لاري دى