نظم حسن او نظر Gul Pacha Ulfat Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د ړانده بډای په کور کښې ښايسته ښکلی ليلاوه د نظر خاوند څوک نه و، بېهوده يې تجلا وه 02 ډيوه بله وه د حسن مگر عشق ور سره نه و بې پتنگه سوزېدله شمع ځکه په ژړا وه 03 د سپين مخ او د سرو شونډو تورو زلفو تورو سترگو څه قيمت او قدر نه و، زړه کښې مينه د دنيا وه 04 د ښايست نوی بهار و، دگلزار جوش او ځواني وه بينايي د ذوق هيڅ نه وه په بل ډول مشغولا وه 05 دگل لورته کتل نه و، بهار خوشې تېر يه لو دمېوو انتظار ډېرو د مادي گټي سودا وه 06 د ښکلا مېرمن خپه وه دجمال څه قدر نه و بصيرت ته وه محتاجه په نظر پسې شيدا وه 07 مال دولت له حده تېرو، واک يې خپل و هرڅه ډېر ؤ مگر داد تش کتلو او شعور په تمناا وه 08 علم و فن هنر او شعر بينا ذوق او شعور غواړي که په نيمه څوک پوهېږي د ليلی دغه معنا وه 09 د معنا روح تل خپه وي دړندو ناپوهو کورکښې عرفاني نهضت مه غواړه! جامعه که نا بينا وه Dictionary meaning × Headword
