ښه ده ښه ده جوړې نورې بهانې کړه

ښه ده ښه ده جوړې نورې بهانې کړه

لا مضبوطه دا رشته د يارانې کړه

سوز او ساز به دې نصيب په يو محل شي

زړه د شمعې حوصله د پروانې کړه

ته له وصله انکاري اوسه مهرويه

شور يې کم دی څه خو زياتې افسانې کړه

لا خو بنده دروازه دتوبې نه ده

راته بېرته دروازه د ميخانې کړه

مينې آب د اخلاص ښه دی ستا په سوز کې

دغه اوښکې کم بها مې دُردانې کړه

عشقه ما د يار تر دره په سر بوځه

راشه جوړې گام په گام کې آستانې کړه

حمزه! نوره تقاضا د ميو پرېږده

په گوټ گوټ سره دې تشې پيمانې کړه