ښه شوه چې زما ښکلې ځواني لاړه

ښه شوه چې زما ښکلې ځواني لاړه

ستا نه بوږنوونکې پرېشاني لاړه

تله به ځواني خود په تله، چې تلونکې وه

لاړله بې تانه ارماني لاړه

ستا لېونی هېڅ په لباس پټ نه شو

چا وې د تصوير نه عرياني لاړه

ستا چې التفات و راته برند غوندې

نن مې گومان راغلو چې ځواني لاړه

څوک يې آيينې نه مې د زړه وځه

مانه ما ښودونکې حيراني لاړه

واغوستو ارمان مې د تصوير لباس

ستا د لېوني چې عرياني لاړه

اوس مې له رندۍ پښېماني لاړه

لاړله اخر مسلماني لاړه

تا له راغلم پوهه دځوانۍ سره

ما له هله راغله چې ځواني لاړه

حيف چې د رقيب په خوله دې راغلمه

څنگه مې بې ځايه قرباني لاړه

وبرېښېده در شوه چې موسکۍ شوې ته

بېرته د زړه اوښکه نوراني لاړه

نرخ مې چې د نياز درته ارزان نه کړ

ستا د تبسم هغه گراني لاړه

ستا د گدايۍ نوم خو ورپورې شو

خير که د حمزه هغه خاني لاړه