خرد ځپلي زړه زما چې کيف د جنون وموند

خرد ځپلي زړه زما چې کيف د جنون وموند

کږلېچ مې د قسمت له هغه پسته سمون وموند

برېښنا د مخ يې ونغښته د زلفو په تيرو کې

لېچنو ارزوگانو زما ځکه سکون وموند

نن سترگې دي راگوري، د سبا په نظر ماته

اشنا جوړې مضطر زړگی مې تللی پرون وموند

بيا ځای د شونډو زلفو سترگو نه وي په وصال کې

حريم د ذات کې چرته چا درک د شپون وموند

الفت چې مرتبې وته دعشق ورسېدلو

بيا هلته حمزه ما، نه زيارت، نه سمون وموند