خدای زده څه مې دی مراد او څه مقصود

خدای زده څه مې دی مراد او څه مقصود

هېڅ خبر نه يم په زيان او په بهبود

کړم پرېشانه تر دې حده رقيبانو

چې وهمي اوس راته ښکاري هر وجود

هر چې کړم هغه کوم ديار دپاره

او که يم همېشه ځان ته په سجود

دي موسی او ابراهيم زما نومونه

هم په خپله زه شداد يم او نمرود

يا خو هېڅ نشته دا واړه وهم و خيال دی

او که وي نو بس ديار به وي وجود

هم مراد يم، هم مريد يمه په خپله

هم طالب يم سرگردانه هم مقصود

د خپل نوم نه هم ثابت له ما دعوی ده

يم حمزه د هر وجود سره موجود