غزل ښکليه عظمتونه که ټول خم وي د تا ستوري ته Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 ښکليه عظمتونه که ټول خم وي د تا ستوري ته ټيټ د پت او ننگ دي اسمانونه زما ستوري ته 02 مه کوه تپوس يې د ښايست چې اشنا لرې وي ماته چې نزدې شي لکه نمر د سبا ستوري ته 03 ته چې همه اوښکه شوې دعشق فالونه څه گورې فال چې ته پخپله شوې بيا څه شوه خطا ستوري ته 04 ستا موسکا وه ښکليه چې مَېن ته يې ورزده کړو چل نمر دی چې يې ورکړلو عادت د گدا ستوري ته 05 وبرېښاوه داغ زما د زړه د بېلتانه تيارو ډېره چې تياره شي، راشي ډېره رڼا ستوري ته 06 څوک چې شخصيت لکه دنمر لري، خطر لري چرته د کسوف راغلې نه ده بلا ستوري ته 07 گوره په سحر کې د مېن په شانې ښکلی شي بيا چې په خندا خندا کې ورشي ژړا ستوري ته 08 ورک دې انتظار کړه، ترې نقشه د اشنا جوړه کړه څو به په شپه گورې وارخطا وارخطا ستوري ته 09 وگوره حمزه هغه اوچت لکه سپوږمۍ وخوت ما به چې ښېرې د پرېوتو کړې دچا ستوري ته Dictionary meaning × Headword
